Այսօր հեռուստահաղորդավարուհի Լուսինե Թովմասյանը հայտարարել է, որ դադարեցնում է համագործակցությունը Հայաստանի Հանրային Հեռուստաընկերության հետ և լուծում գործող պայմանագիրը։
Նա հայտարարել է, որ չի պատրաստվում գործիք դառնալ որևէ մեկի ձեռքում։
Հանրային հեռուստաընկերության գործադիր տնօրեն Հովհաննես Մովսիսյանն արձագանքել է Լուսինե Թովմասյանի գրառմանը։
«Լուսինե ջան, շարունակում եմ քեզ շատ սիրել և միայն հաջողություններ եմ մաղթում։ Հուսով եմ՝ մի օր կվերադառնաս Հանրային, ինչպես եղավ իմ կառավարման սկզբում»,- մեկնաբանություներում գրել է Հովհաննես Մովսիսյանը:
