ԱՄՆ նախագահ Դոնալդ Թրամփը Վլադիմիր Զելենսկու հետ վիճաբանությունից հետո ամերիկացի պաշտոնյաներին հանձնարարել է ուսումնասիրել Ուկրաինային ԱՄՆ ռազմական օգնությունը դադարեցնելու հնարավորությունները։ Այս մասին գրում է WSJ-ն՝ վկայակոչելով ամերիկյան վարչակազմի բարձրաստիճան ներկայացուցչին։
RBC-ն նշում է, որ հանդիպումից հետո ռազմական օգնության դադարեցման վտանգի մասին գրել է նաև Washington Post-ը։ Նրա աղբյուրների համաձայն՝ եթե այդ որոշումը կայացվի, ապա կդադարեցվի Ուկրաինային միլիարդավոր դոլարների հրթիռների, զինամթերքի, մեքենաների ու ռադարների մատակարարումը։
