«Մենք հիմա չենք շփվում իրար հետ, բայց մի գեղեցիկ ամառային օր իրար հետ կգնանք գարեջուր խմելու»,- խոսքն ուղղելով ԱԺ տնտեսական հարցերի մշտական հանձնաժողովի նախագահ Բաբկեն Թունյանին՝ իր ելույթն այսպես սկսեց պատգամավոր Հովիկ Աղազարյանը, ապա շարունակեց գարեջրի օրինակով բացատրել, որ ներկայացվող տնտեսական աճ գոյություն չունի․ «Գարեջուրը կխմենք գավաթաներով, ես կխնդրեմ, որ ձեր գավաթի կեսը լցնեն գարեջրով, մնացածը՝ փրփուրով։ Իսկ իմ գավաթի 2/3-ը կլինի գարեջուր ու մի քիչ փրփուր։ Վիզուալ իմ գարեջուրը ձերինից կլինի քիչ, բայց ո՞ւմ քյարն է մեծ լինելու կայֆ ստանալու իմաստով, իմը, քանի որ իմ մոտ գարեջուրն ավելի շատ կլինի»,- ասաց Աղազարյանը՝ նշելով որ ՀՆԱ-հարկեր հարաբերկացությունն իջել է, կամ այլ կերպ ասած՝ փրփուրը շատացել է։
