Համամասնական ցուցակի առաջին 36 թեկնածուների անունները վերջնականապես հաստատված են, ցուցակի մնացած մասը կհրապարակվի վաղը։ Այս մասին ապրիլի 21-ին «Ուժեղ Հայաստան» կուսակցության համագումարի ժամանակ հայտարարել է քաղաքական ուժի անդամ Մամիկոն Ասլանյանը։
Ըստ նրա՝ պատերազմին առնչվող բոլոր ասոցիացիաները կապված են «Քաղաքացիական պայմանագիր» կուսակցության և անձամբ Նիկոլ Փաշինյանի անվան հետ։ «Այլ քաղաքական ուժերի շարքում չեմ տեսնում նրանց, ովքեր հանդես կգար պատերազմի հռետորաբանությամբ»,- ընդգծել է Ասլանյանը։ Նրա համոզմամբ՝ մյուս բոլոր հայտարարությունները նպատակաուղղված են հանրությանը մոլորեցնելու փորձերին։
«Մեր ուժը գնում է դեպի բացարձակ հաղթանակ, իսկ այդ դեպքում որևէ կոալիցիայի կամ ինչ-որ մեկն ինչ-որ մեկին ձայներ փոխանցելու անհրաժեշտություն չի լինի։ Ժողովրդի թիկունքում նախապես որևէ բանի շուրջ պայմանավորվելը անընդունելի եմ համարում։ Մնացածի մասին խոսք կարող է լինել միայն ձայների հաշվարկից հետո», — շեշտել է Ասլանյանը։
