Հակակոռուպցիոն դատարանում՝ դատավոր Վահե Դոլմազյանի նախագահությամբ այսօր՝ ապրիլի 15–ին, մեկնարկել է «Ուժեղ Հայաստան» կուսակցության առաջնորդ Սամվել Կարապետյանի վերաբերյալ քրեական գործի քննությունը։
Այսօրվա նիստին Սամվել Կարապետյանը պատասխանեց դատարանի հարցերին` իր ինքնության վերաբերյալ. «Ես ՀՀ-ի քաղաքացի եմ, ունեմ նաեւ Ռուսաստանի եւ Կիպրոսի անձնագիր։ Քանի որ վստահ ենք հաղթանակի մեջ, սկսել ենք գործընթաց ՌԴ-ի եւ Կիպրոսի քաղաքացիությունից հրաժարվելու»։
Կարապետյանը նաեւ հայտնեց` ունի բարձրագույն կրթություն, տնտեսագիտության դոկտորի կոչում, ամուսնացած է, ունի 3 չափահաս երեխա, իր խնամքին ոչ ոք չկա։
