Ռուսաստանի ԱԳՆ-ն քննարկում է Կապանում, Ակտաուում և Սամարղանդում հյուպատոսություններ բացելու հարցերը: Այս մասին РИА Новости-ին տված հարցազրույցում հայտնել Է ՌԴ ԱԳՆ հյուպատոսական դեպարտամենտի տնօրեն Ալեքսեյ Կլիմովը:
«ԱՊՀ տարածքում ներկայումս մշակվում են Կապանում (Հայաստան), Ակտաուում (Ղազախստան) և Սամարղանդում (Ուզբեկստան) Ռուսաստանի հյուպատոսական հիմնարկների բացման հարցերը», — ասել է Կլիմովը՝ պատասխանելով նոր հյուպատոսական հիմնարկների բացման հնարավորության մասին հարցին:
Հիշեցնենք՝ այս տարվա ապրիլին ՌԴ ԱԳՆ պաշտոնական ներկայացուցիչ Մարիա Զախարովան հայտարարել էր՝ Կապանում ՌԴ գլխավոր հյուպատոսություն բացելու հարցում բազմապլանային կոնկրետություն կա, և Մոսկվայում ակնկալում էին մինչև մայիս կոնկրետ պայմանավորվածություններ ձեռք բերել գլխավոր հյուպատոսության բացման ժամկետների վերաբերյալ:
