Միջազգային քրեական դատարանի (ՄՔԴ) Հռոմի ստատուտի մասնակից պետությունների վեհաժողովը որոշել է պաշտոնից հեռացնել դատախազ Քարիմ Խանին, որը մեղադրվում է սեռական ոտնձգությունների մեջ: Այդ մասին հայտնել է վեհաժողովի նախագահ Պյայվի Կաուկորանտան:
Նրա հրաժարականի օգտին քվեարկել է 125 մասնակից երկրներից 82-ը։ Սա, ինչպես գրում է Reuters-ը, դատարանի պատմության մեջ առաջին դեպքն է, երբ գործող գլխավոր դատախազին զրկում են պաշտոնից:
Ինչ նպատակով է առաջին անգամ Երևան այցելել Միջազգային քրեական դատարանի նախագահը
2025 թվականի մայիսին ՄՔԴ-ն Խանին վարչական արձակուրդի է ուղարկել մինչև ենթակայի նկատմամբ սեռական ոտնձգությունների գործով նրա դեմ սկսված հետաքննության ավարտը։ Օգոստոսի վերջին բրիտանական The Guardian թերթը գրել էր նույն հանցագործության երկրորդ մեղադրանքի մասին։
Ռուսաստանում այս դատախազի դեմ ավելի վաղ քրեական գործ էր հարուցվել ակնհայտ անմեղ անձի պատասխանատվության ենթարկելու համար։ 2023 թվականին Խանը քրեական հետաքննության շրջանակներում միջնորդություն է ուղարկել ՄՔԴ՝ ռուսաստանցիներին ձերբակալելու օրդեր ստանալու համար։
Փաստաթղթի հիման վրա այս ատյանի դատավորները ապօրինի որոշումներ են կայացրել Վլադիմիր Պուտինի և մանկական օմբուդսման Մարիա Լվովա-Բելովայի նկատմամբ:
Պուտինի` Մոնղոլիա կատարած այցի նախապատրաստման շրջանակում ՄՔԴ–ի խնդիր չի առաջացել. Լավրով
