Այսօր պայթյուն է որոտացել և հրդեհ է բռնկվել Նուբարաշենի աղբավայրում։
Ինչպես դեպքի վայրից հայտնում է ֆոտոլրագրող Գագիկ Շամշյանը, 2 հոգի, որոնցից մեկը ծայրահեղ ծանր վիճակում, տեղափոխվել են հիվանդանոց։
Ըստ նախնական տեղեկությունների՝ աղբավայրի պահակակետի հարևանությամբ գտնվող պետքարանի լույսը վառելիս է պայթյունը տեղի ունեցել, հավանաբար, կուտակված գազերի պատճառով։
Ֆոտոլրագրողի տեղեկություններով՝ վիրավորները աղբավայրի տնօրեն 36-ամյա Սարգիս Խաչատրյանը և աղբավայրի աշխատակից 54-ամյա Էդիկ Միսակյանն են։
