Մոսկվայից և Երևանից չվերթերը փոխվել են դեպի այլընտրանքային օդանավակայաններ՝ սահմանափակումների պատճառով։ Այս մասին «ՌԻԱ Նովոստի»-ին հայտնել են Սարատովի Գագարինի օդանավակայանից։
Խոսքը վերաբերում է «Աերոֆլոտ» և «Shirak Avia» ավիաընկերությունների չվերթերին։ Ուղևորների հետ աշխատում են ավիաընկերությունների ներկայացուցիչներ և օդանավակայանի աշխատակիցներ։
Ավելի վաղ «Ռոսավիացիան» հայտնել էր, որ Սարատովի օդանավակայանում օդանավերի ժամանման և մեկնման ժամանակավոր սահմանափակումներ են մտցվել՝ քաղաքացիական ինքնաթիռների թռիչքների անվտանգությունն ապահովելու համար։
