Հունիսին Կարմիր Խաչի Միջազգային Կոմիտեն (ԿԽՄԿ) կրկին այցելել է հայկական ծագում ունեցող անձանց, որոնց մասին տեղեկություններ է տրամադրել ադրբեջանական կողմը։ Այս մասին ԿԽՄԿ-ն տեղեկացրել է APA-ին։
«Կայացել են անհատական հանդիպումներ կալանավորվածների հետ, ստեղծվել են պայմաններ նրանց ընտանիքների հետ կապ հաստատելու համար, նրանք ստացել են ծանրոցներ իրենց ընտանիքներից։
ԿԽՄԿ-ն պայմաններ է ստեղծում կալանավորված անձանց ընտանիքների հետ կապերը վերականգնելու կամ շարունակելու համար», — ասվում է տեղեկատվության մեջ։
ԿԽՄԿ-ն չի մանրամասնել՝ կոնկրետ ում են հանդիպել Բաքվում։
