Կառավարության այսօրվա՝ օգոստոսի 7-ի նիստում հավանության արժանացավ որոշում, համաձայն որի ՀՀ կառավարությունը կվաճառի «Վիվա Արմենիա»-ում ունեցած 20 տոկոս բաժնետոմսերը։
ՀՀ կառավարությունը որոշեց թույլատրել ՀՀ վարչապետի աշխատակազմին Կառավարության անունից «Վիվա Արմենիա»-ի բաժնետեր «Ֆեդիլքո Գրուպ Լիմիթիդ» ընկերության հետ կնքել վաճառքի օպցիոնի պայմանագիր։
ՀՀ կառավարությունը իր 20 տոկոս բաժնետոմսերի վաճառքի գործարքից կստանա 50 միլիոն դոլար։
Հիշեցնենք՝ 2024 թվականի փետրվարին «Վիվա Արմենիա»-ն իր բաժնետոմսերի 20 տոկոսը նվիրաբերել էր ՀՀ կառավարությանը։
