ՆԳ փոխնախարար Արփինե Սարգսյանը չի մեկնաբանում շրջանառվող այն տեղեկությունները, որ ինքն է արդարադատության նախարարի հավանական թեկնածուն։
«Ես այդ թեմայով որևէ մեկնաբանություն չեմ պատրաստվում տալ, որովհետև ես այստեղ եմ որպես ՆԳ նախարարի տեղակալ։ Այս հարցի մասով այս պահին այսքանը»,- ԱԺ-ում լրագրողների հետ զրույցում ասաց Արփինե Սարգսյանը,նախարար դառնալու բոլոր հարցերին նա նույն պատասխանն էր տալիս:
Հիշեցնենք, որ Գրիգոր Մինասյանի պաշտոնանկությունից շուրջ մեկ ամիս է անցել, ՔՊ-ում նախարարի թեկնածու չեն հաստատում, սկզբում Արփի Դավոյանին մերժեցին, ապա Արմեն Խաչատրյանին։ Մեր տեղեկություններով՝ Փաշինյանն ուզում է Արփինե Սարգսյանին նշանակել այդ պաշտոնում։
