Օրերս ՄԻԵԴ-ը հրապարակեց Ապրիլյան քառօրյա պատերազմի գործերով առաջին վճիռը՝ արձանագրելով, որ Ադրբեջանը խախտել է հայ զինծառայողի կյանքի իրավունքը և խոշտանգումների արգելքը (գլխատում և մարմնի պղծում)։
ՄԻԵԴ այս որոշման դեմ Ադրբեջանը բողոք է հայտնել։
ԵԽ Բաքվի գրասենյակի ղեկավար Պետեր Ցիխը կանչվել է Ադրբեջանի ԱԳՆ, ՄԻԵԴ հունիսի 18-ի որոշման կապակցությամբ բողոքը նրան են հանձնել։
Ադրբեջանական կողմը պնդել է, թե ՄԻԵԴ վճիռը «կանխակալ» է, հայտարարել են նաև, թե մերժում են այն և ձեռնարկելու են «համապատասխան քայլեր»՝ իրենց «իրավունքները» պաշտպանելու համար։
