«Ժողովուրդ». Տեսչական մարմնի ղեկավարի կինն ավելի հարուստ է. նախկին ոստիկանի ունեցվածքի մի մասը

«Ժողովուրդ» օրաթերթը գրում է. «ՀՀ Կառավարության ենթակա Բնապահպանության և ընդերքի տեսչական մարմնի ղեկավար Հովհաննես Մարտիրոսյանը ողջ կյանքում ոստիկան է եղել, հետհեղափոխական Հայաստանում սկսել են ընտանիքով ունեցվածք կուտակել։

«Ժողովուրդ» օրաթերթը ուսումնասիրեց Մարտիրոսյանի 2024 թվականի տարեկան հայտարարագիրը և պարզեց, որ պաշտոնյան համեստ ունեցվածք ունի, սակայն կինը շարունակում է հարստանալ։

«Ժողովուրդ» օրաթերթը նաև արձանագրեց մի ուշագրավ հանգամանք․ Նոննա Սահակյանը իր հայտարարագրում որպես պաշտոն նշել է «Բնապահպանության և ընդերքի տեսչական մարմնի ղեկավար», մինչդեռ, ըստ Հովհաննես Մարտիրոսյանի հայտարարագրի, նա աշխատում է «Կաիսա Զարգացման կենտրոն» ՍՊԸ-ում՝ որպես մարզիչ։ Ակնհայտորեն սխալ լրացված հայտարարագիր, որը Կոռուպցիայի կանխարգելման հանձնաժողովը աննկատ է թողնում։

Ինչ ունի Հովհաննես Մարտիրոսյանը

• Անշարժ գույք (ընդհանուր՝ առնվազն 6 միավոր, բոլորը՝ համատեղ սեփականությամբ, Երևանում)
  • Անհատական բնակելի տուն՝ հողամասով և տնտեսական շինություններով
  • Երկրորդ բնակելի տուն՝ նույն բնույթի
  • Հողամաս
  • Ավտոտնակ / ավտոկայանատեղի
  • Հողին ամրակայված այլ անշարժ գույք (2 միավոր)

Տրանսպորտային միջոց

• Mercedes-Benz, 2006 թ․ (ձեռք բերված՝ 2020 թվականին)

Ֆինանսական միջոցներ

• Բանկային հաշիվներում՝ 1,123,054 դրամ

Եկամուտներ (2024 թ.)

• Աշխատավարձ՝ Բնապահպանության և ընդերքի տեսչական մարմնից՝ 14,668,036 դրամ
  • Կենսաթոշակ՝ ՀՀ ոստիկանությունից՝ 1,194,100 դրամ

Ընդհանուր՝ 15,862,136 դրամ

Պարտավորություններ

• Վարկերի մնացորդ՝ 7,176,642 դրամ

Իսկ ինչ միջոցներ ունի կինը՝ Նոննա Սահակյանը

«Ժողովուրդ» օրաթերթը ուսումնասիրեց նաև տեսչական մարմնի ղեկավարի կնոջ հայտարարագիրը, որտեղ պատկերը զգալիորեն տարբեր է․

Բանկային հաշիվներ

• € 25,255
  • $ 28,999
  • 1,163,938 դրամ

Կանխիկ միջոցներ

• € 9,550
  • $ 8,300
  • 3,500,000 դրամ

Եկամուտներ

. Տարբեր աղբյուրներից (որպես ֆիզիկական անձ)՝
$ 17,825
€ 15,756
7,169,534 դրամ

. Վարձակալությունից եկամուտ՝ 1,200,000 դրամ

. Աշխատավարձ՝ «Կաիսա Զարգացման կենտրոն» ՍՊԸ-ից՝ 252,436 դրամ

Ընդհանուր՝ 22,346,250 դրամից ավելի եկամուտ՝ տարեկան

Ահռելի վարկային պարտավորություններ

Չնայած կայուն և բարձր եկամուտների, ստուգող մարմնի ղեկավարի ընտանիքը վարկերի տակ կքած է։

. $ 100,000
. 38,799,000 դրամ

Հարցեր և կասկածներ, որոնք առաջանում են հայտարարագրի ուսումնասիրությունից

• Ինչպե՞ս է ձևավորվել ընտանիքի ֆինանսական բալանսը, երբ պաշտոնյա Հովհաննես Մարտիրոսյանի հայտարարագրած եկամուտներն ու միջոցները համեմատաբար սահմանափակ են, մինչդեռ կնոջ՝ Նոննա Սահակյանի դրամական միջոցներն ու եկամուտները զգալիորեն մեծ են և բազմազան աղբյուրներից։
• Նոննա Սահակյանի հայտարարագրում առկա պաշտոնի վերաբերյալ հակասությունը լուրջ հարցեր է առաջացնում․ ինչո՞ւ է նա նշել, որ հանդիսանում է Բնապահպանության և ընդերքի տեսչական մարմնի ղեկավար, այն դեպքում, երբ, ըստ ամուսնու հայտարարագրի, աշխատում է մասնավոր հատվածում՝ «Կաիսա Զարգացման կենտրոն» ՍՊԸ-ում։
• Ինչքանո՞վ են հիմնավորված կնոջ կողմից հայտարարագրված արտարժույթով զգալի եկամուտները (դոլարով և եվրոյով), և արդյոք դրանք լիարժեք արտացոլում են գործունեության իրական ծավալներն ու աղբյուրները։
• Ընտանիքի պարտքային բեռը նույնպես ուշադրության արժանի է․ հատկապես կնոջ մասով առկա են խոշոր պարտավորություններ՝ թե՛ դրամով, թե՛ արտարժույթով։
• Հայտարարագրում առկա մեծածավալ կանխիկ միջոցները (միաժամանակ տարբեր արժույթներով) ևս հարցեր են առաջացնում դրանց ծագման, շրջանառության և հաշվառման թափանցիկության վերաբերյալ։

Եվ երբ տեսչական մարմնի ղեկավարը գնում է ստուգելու տարբեր կառույցներ, թերևս պետք է սկսի ինքն իրենից և կնոջից՝ պատժամիջոցները ներառյալ»։

Առավել մանրամասն թերթի այսօրվա համարում