«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ առաջիկա օրերին Ազգային ժողովը կվերածվի ոչ թե քաղաքական քննարկումների, այլ ուժային բլոկի հաշվետվությունների հարթակի։ Գրեթե ողջ ուժային վերնախավը պատրաստվում է հերթով մտնել խորհրդարան՝ ներկայացնելու 2025 թվականի տարեկան հաղորդումները ԱԺ պետական-իրավական հանձնաժողովին։
Խոսքը վերաբերում է ոչ թե շարքային այցերի, այլ համակարգային ներկայության․ խորհրդարան են հրավիրվում պետության ամենազոր կառույցների ղեկավարները՝
• ՀՀ գլխավոր դատախազ Աննա Վարդապետյան,
• ՀՀ ներքին գործերի նախարար Արփինե Սարգյան,
• ՀՀ քննչական կոմիտեի նախագահ Արթուր Պողոսյան։
Իսկ գործընթացը մեկնարկում է արդեն այսօր․ «Ժողովուրդ» օրաթերթը տեղեկացավ, որ ԱԺ-ում իր տարեկան հաղորդումն է ներկայացնում Կոռուպցիայի կանխարգելման հանձնաժողովի նախագահ Արթուր Նահապետյան»։
Առավել մանրամասն թերթի այսօրվա համարում
