Ռուսաստանը հանձնառու է արագ լուծելու բեռնատարների վարորդների, այդ թվում՝ հայ վարորդների կողմից բարձրացված խնդիրները՝ կապված Ռուսաստանի նոր միգրացիոն քաղաքականության հետ։ Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան՝ ամենշաբաթյա ճեպազրույցի ժամանակ։
Այնուամենայնիվ, նա դժվարացել է նշել այս խնդրի լուծման կոնկրետ ժամկետներ։
Հիշեցնենք՝ այս տարվա հունվարի 1-ից ուժի մեջ են մտել ՌԴ-ում օտարերկրյա քաղաքացիների իրավական կարգավիճակի մասին 115–րդ դաշնային օրենքի նոր փոփոխությունները, ըստ որի՝ ոչ վիզային ռեժիմի երկրների քաղաքացիները, որոնք ՌԴ են մուտք գործում ոչ աշխատելու նպատակով օրացույցային տարվա ընթացքում կարող են մնալ 90 օր։
Արդյունքում տասնյակ հայ վարորդների մուտքը ՌԴ, որպես օրինախախտ, արգելվել է։
