Ռուսական հակաօդային պաշտպանության համակարգերն այս գիշեր ավելի քան 50 ուկրաինական անօդաչու սարք են խոցել Ռուսաստանի տարածքում։ Տեղեկությունը հայտնում է ՌԴ պաշտպանության նախարարությունը։
«Հունիսի 11–ի ժամը 21։00–ից մինչև հունիսի 12–ի ժամը 04։10 ՀՕՊ–ը 52 ուկրաինական անօդաչու թռչող սարք է ոչնչացրել և որսացել։ 41 ԱԹՍ ոչնչացվել է Բելգորոդի մարզի տարածքում, 6–ը ՝ Բրյանսկի մարզի, 3-ը՝ Մոսկվայի մարզի, 2-ը՝ Ղրիմի Հանրապետության տարածքում»,– ասված է հաղորդագրությունում։
