Ընտրություններին մասնակցելու վերաբերյալ որոշում ՀՀԿ-ն դեռ չի կայացրել։ Այդ մասին հայտնեց ՀՀ երրորդ նախագահ, ՀՀԿ նախագահ Սերժ Սարգսյանը՝ լրագրողների հետ զրույցում։
«Դեռ չունենք որոշում, և դա զարմանալի չէ։ Առաջին հայացքից թվում է՝ հեշտ բան է՝ մասնակցում ենք կամ ոչ, բայց երբ էության մեջ ենք մտնում, այդտեղ երկվություն կա՝ պայքարել մի քանի մանդատների համա՞ր, թե՞ ստեղծել շատ ավելի բարենպաստ պայմաններ՝ նվազագույնի հասցնելու ներընդդիմադիր պայքարը և դրանով իսկ փորձել հաջողություն ստեղծել այն ուժերի համար, որոնք հավակնում են հաղթել»,- ասաց նա։
