Գլխավոր դատախազ Աննա Վարդապետյանն ԱԺ-ում միջնորդություններ է ներկայացնում պատգամավորներ Արթուր Սարգսյանին, Արծվիկ Մինասյանին և Սեյրան Օհանյանին անձեռնմխելիությունից զրկելու համար։
Արծվիկ Մինասյանի և Սեյրան Օհանյանի դեպքում կալանավորման միջնորդություն չկա, Արթուր Սարգսյանի դեպքում առկա է նաև կալանավորման միջնորդություն:
«Հայաստան» և «Պատիվ ունեմ» խմբակցությունները հայտարարեցին, որ չեն մասնակցի քննարկմանը՝ շեշտելով, որ այն տեղի է ունենում գեներալ-գնդապետ, Արցախի հերոս, 3 պատերազմներ անցած Սեյրան Օհանյանի բացակայությամբ։
ԱԺ նախագահ Ալեն Սիմոնյանն էլ ընդգծեց, որ մինչ այս պահը Օհանյանի առողջական վիճակի վերաբերյալ բժշկական փաստաթուղթ չի ստացել, ուստի չի կարող նրա բացակայությունը հարգելի համարել։
