68 կգ քաշային ըմբիշ Արամ Սարգսյանը դարձավ Մ15 Եվրոպայի առաջնության ոսկե մեդալակիր։ Տեղեկությունը հայտնում է Հայաստանի ըմբշամարտի ֆեդերացիան։
«Նա եզրափակիչում 9:0 հաշվով հաղթեց թուրք ըմբիշին»,– ասված է հաղորդագրությունում։
41 կգ քաշային Վահան Գրիգորյանը, 48 կգ Նարեկ Ալեյանը և 62 կգ Պավել Նազարյանը դարձան մրցաշարի փոխչեմպիոններ։
44 կգ Վարդան Սահակյանը և 52 կգ Գեղամ Եղիազարյանը բրոնզե մեդալներ նվաճեցին։
Հունահռոմեական ոճի Մ15 տարեկանների հավաքականը նվաճեց 6 մեդալ՝ թիմային պայքարում զբաղեցնելով երկրորդ տեղը։
Հիշեցնենք` առաջնությունն անցկացվում է Իտալիայի Կաորլե քաղաքում։
