Արդեն երրորդ օրն է, ինչ հսկայական հերթեր են գոյանում հայ-վրացական սահմանին՝ «Սադախլո» անցակետում, Հայաստան մուտք գործելիս։ Այս մասին Sputnik Արմենիային հայտնել են ուղևորափոխադրումներ իրականացնող ընկերությունից։
Խցանումները կապված են համաշխարհային փոփ աստղ Ջենիֆեր Լոպեսի համերգի հետ:
Նրա երկրպագուները Վրաստանից, Բելառուսից, Ռուսաստանից և այլ երկրներից Հայաստան են ժամանում ցամաքային և օդային ճանապարհներով: Գիշերակացի ամրագրման կայքերից դատելով՝ Երևանի հյուրանոցներում և հյուրատներում ազատ տեղեր գրեթե չկան։
Ինչպես նշվում է Վրաստանից Հայաստան և հակառակ ուղղությամբ ուղևորափոխադրումներ իրականացնող ընկերությունները մի քանի անգամ ավելացրել են օրական փոխադրումների քանակը:
