Խորհրդային ֆուտբոլի լեգենդ Նիկիտա Սիմոնյանին ներառել են ուկրաինական սեւ ցուցակում․ նա մեղադրվում է

Գազետա.ռու-ի փոխանցմամբ՝ Մոսկվայի «Սպարտակ» լեգենդ Նիկիտա Սիմոնյանի անունն ավելացվել է ուկրաինական «Միրոտվորեց» կայքում՝ «սեւ ցուցակում»։

98-ամյա Սիմոնյանը «Սպարտակի» բոլոր ժամանակների լավագույն ռմբարկուն է։ Նա նաև եղել է «Սպարտակի» և ԽՍՀՄ ազգային հավաքականի գլխավոր մարզիչ։

Սիմոնյանին մեղադրել են Ուկրաինայի ինքնիշխանությունն ու ամբողջականությունը խաթարելու փորձի մեջ։

Որպես «Սպարտակի» խաղացող՝ Սիմոնյանը չորս անգամ նվաճել է ԽՍՀՄ առաջնությունը և երկու անգամ հաղթել է մրցաշարում՝ որպես «Սպարտակի» մարզիչ։ 1956 թվականին հարձակվողը հաղթել է Մելբուռնի Օլիմպիական խաղերում։