ՌԴ Պետդումայի «Արդար Ռուսաստան՝ հանուն ճշմարտության» խմբակցության պատգամավորները՝ կուսակցության առաջնորդ Սերգեյ Միրոնովի գլխավորությամբ, Պետդումա են մտցնելու օրինագիծ, որով առաջարկվում է քրեական պատասխանատվություն սահմանել միգրանտներին ժամանակավոր կացության թույլտվության, կացության թույլտվության, Ռուսաստանի քաղաքացիության ապօրինի տրամադրման համար՝ մինչեւ յոթ տարվա ազատազրկում, փաստաթուղթը ՌԻԱ Նովոստիի տրամադրության տակ է:
Ինչպես լրատվամիջոցին հայտնել են կուսակցության մամուլի ծառայությունից, ՌԴ Քրեական օրենսգրքում համապատասխան փոփոխությունները կներկայացվեն Պետդումայի քննարկմանը:
«Օտարերկրյա քաղաքացիների կողմից Ռուսաստանի Դաշնության քաղաքացիություն ապօրինի ձեռք բերելու դեմ արդյունավետ պայքարի համար առաջարկվում է Ռուսաստանի Դաշնության Քրեական օրենսգիրքը լրացնել նոր հոդվածով․ հոդված 322.4. Ապօրինի գործունեության իրականացում, որը հանգեցրել է ժամանակավոր կացության թույլտվության, կացության թույլտվության կամ Ռուսաստանի Դաշնության քաղաքացիության ապօրինի ձեռքբերման», — ասվում է նախագծին կից բացատրական գրության մեջ:
Բացի այդ, առաջարկվում է պատիժ սահմանել մինչև հինգ տարվա ազատազրկում, եթե քաղաքացին հանցագործություն է կատարել ինքնուրույն՝ առանց այլ անձանց ներգրավելու, իսկ եթե հանցագործությունը կատարվել է մի խումբ անձանց կողմից նախնական համաձայնությամբ՝ օգտագործելով պաշտոնական դիրքը, ապա ազատազրկման առավելագույն ժամկետը ավելացնել մինչև յոթ տարի՝ պատիժին ավելացնելով մինչև 500 հազար ռուբլի տուգանք։
Նախաձեռնության հեղինակների կարծիքով՝ ժամանակավոր կացության թույլտվության, կացության թույլտվության ապօրինի տրամադրումը ենթադրում է օտարերկրյա քաղաքացիների և նրանց ընտանիքների անդամների համար Ռուսաստանի քաղաքացիություն ապօրինի ստանալը, ինչը ֆինանսական բեռ է պետության սոցիալական համակարգի վրա, նպաստում է կոռուպցիայի բարգավաճմանը:
«Այսօր միգրանտներին Ռուսաստանի քաղաքացիություն ապօրինի տրամադրելու գործունեության կազմակերպմամբ զբաղվում են ոչ միայն կոռումպացված պաշտոնյաները։ Նման շղթաներում, օրինակ, ներգրավված են լեզվական քննությունների ընդունելության հանձնաժողովների ներկայացուցիչները։ Նրանք օգնություն են ցուցաբերում միգրանտներին ռուսաց լեզվի իմացության հավաստագիր տրամադրելու հարցում», – լրագրողներին ասել է Միրոնովը։
Նրա կարծիքով՝ խնդրի լուծման համար կուսակցությունն առաջարկում է քրեական պատասխանատվություն սահմանել «շղթայի» բոլոր մասնակիցների համար՝ կեղծ ամուսնության գրանցման, լեզվի իմացության ապօրինի հավաստագրի տրամադրման, ժամանակավոր կացության թույլտվության, կացության թույլտվության կամ Ռուսաստանի քաղաքացիության վերաբերյալ, եւ նա վստահ է, որ նման միջոցը թույլ կտա կանգնեցնել Ռուսաստանում անօրինական միգրացիայի հոսքը:
