Թեղուտ գյուղի «Թեղուտի մոստ» կոչվող հատվածում այսօր՝ մայիսի 4-ին, տեղի է ունեցել վթար, ինչի հետեւանքով կա 7 տուժած:
Դեպքի վայր մեկնած փրկարարները պարզել են, որ Իջևան-Դիլիջան ավտոճանապարհի մոտ 10-րդ կմ-ին՝ Թեղուտ գյուղի սկզբնամասում, «Mercedes-Benz» մակնիշի ավտոմեքենան դուրս է եկել ճանապարհի երթևեկելի հատվածից, շրջվել և հայտնվել ճամփեզրին:
Մինչ փրկարարների կանչի վայր հասնելը՝ վարորդը և վեց ուղևոր ավտոմեքենայից դուրս են բերվել տեղի ուժերով և հոսպիտալացվել բժշկական կենտրոն։ Տուժածներից 4-ը երեխաներ են:
Փրկարարները հոսանքազրկել են ավտոմեքենան և փակել գազի բալոնի փականը:
