Ռուսաստանի օրը՝ Ռուսաստանի Դաշնության ժողովրդի ամենակարևոր պետական տոներից մեկն է։ Սա պատմական և մշակութային հարուստ ժառանգությամբ բազմազգ պետության ներդաշնակ միասնության և համախմբվածության հաստատումն է, որը միավորել է տարբեր ազգեր, լեզուներ, կրոններ և ավանդույթներ: Սա անկախության և երկրի ապագայի համար պատասխանատվության դրսևորում է, որը մարմնավորում է համատեղ ստեղծագործական աշխատանքը՝ ի բարօրություն Հայրենիքի: Այս հասկացությունները միավորելով կարելի է պահպանել ձեռք բերվածը և առաջ շարժվել դեպի բարեկեցություն և բարգավաճում:
Ռուսաստանի և Հայաստանի միջև ջերմ բարեկամական կապերը հիմնված են փոխօգնության, քրիստոնեական հավատքի, ավելի քան երկու հարյուրամյա ընդհանուր պատմության և Հայրենական մեծ պատերազմում մեր ժողովուրդների տարած միասնական Հաղթանակի վրա։ Ռուսաստանում հայկական սփյուռքը կազմում է շուրջ երկու միլիոն մարդ, ովքեր ապրում են եղբայրական ռուս ժողովրդի հետ համերաշխ և միասին պայքարում են հանուն խաղաղության և արդարության:
Մեր երկու երկրների միջև հարաբերություններն այսօր դժվարին ժամանակաշրջան են ապրում։ Սա հետևանք է Հայաստանում իշխող վարչախմբի անհեռատես, պարտադրված որոշումների, որոնք բռնել են սեփական ժողովրդի շահերը դավաճանելու ուղին։ Հայերն ապրում են Հայաստանի և Ռուսաստանի միջև արդյունավետ, իմաստալից և վստահելի երկխոսության վերադարձի հույսով, որը տոգորված է անկեղծ ու լիակատար փոխըմբռնման զգացումով:
Վստահություն եմ հայտնում, որ մեր ժողովուրդների միջև ժամանակի փորձություն անցած բարեկամությունը հուսալի հիմք է երկարաժամկետ քաղաքական, տնտեսական, ռազմական և ռազմատեխնիկական համագործակցության համար, որը համապատասխանում է Հայաստանի և Ռուսաստանի շահերին։ Վստահ եմ, որ մեր ժողովուրդները կհաղթահարեն բոլոր խոչընդոտները։ Երկկողմ հարաբերությունները կամրապնդվեն և կբարգավաճեն՝ հասնելով իսկական դաշնակցային մակարդակի և թույլ կտան ստեղծել միասնական և անբաժանելի անվտանգության ընդհանուր գոտի։
Եղբայրական ժողովրդին, Ռուսաստանի Դաշնության ռազմաքաղաքական ղեկավարությանը և հատկապես այն զինվորներին ու սպաներին, ովքեր այսօր զենքը ձեռքին պաշտպանում են Հայրենիքի շահերը մարտադաշտում՝ Ուկրաինայում, հատուկ ռազմական գործողության շրջանակներում, մաղթում եմ քաջառողջություն, հաջողություններ աշխարհաքաղաքական սպառնալիքներին դիմակայելու գործում, շուտափույթ խաղաղություն և հետագա բարգավաճում։
«Համահայկական ճակատ» շարժման առաջնորդ
Արշակ Կարապետյան
