Վրաստանն ու Հայաստանը ստորագրել են ապօրինի բնակվող անձանց փոխանակման վերաբերյալ համաձայնագիր: Այս մասին հայտնել է «Սպուտնիկ» գործակալության վրացական ծառայությունը:
Երկրները համաձայնության են եկել արտաքսման ենթակա իրենց այն քաղաքացիներին ընդունելու հարցում:
Հայաստանի ներքին գործերի նախարար Արփինե Սարգսյանը պաշտոնական այցով այսօր ժամանել է Վրաստան։ Նա արդեն հանդիպում է ունեցել Վրաստանի վարչապետ Իրակլի Կոբախիձեի և ներքին գործերի նախարար Գելա Գելաձեի հետ։
