Այս պահին փայտով, հեղուկ գազով և ածուխով բեռնված մեծ քանակությամբ բեռնատար մեքենաներ են կանգնած Վրաստանի սահմանին: Այս մասին այսօր NEWS.am-ի հետ զրույցում ասաց բեռնատարի վարորդ Գևորգ Սարգսյանը։
Գևորգ Սարգսյանի խոսքով վրացիները փակել են Հայաստան տանող ճանապարհը և պահանջում 700 ԱՄՆ դոլար։
«Առանց պատճառաբանելու ուղղակի գումար են ուզում։ Հայաստանից էլ ոչ ոք ոչինչ չի ասում, չգիտենք ինչ կլինի»,- ասաց Գևորգ Սարգսյանը։
Նշենք, որ մեքենաները փետրվարի 12–ից կանգնած են սահմանին։
