Վերին Լարսի անցակետն այս գիշեր ժամը 01:00- ից չի գործի։ Այս մասին Sputnik Արմենիային հայտնել է ՌԴ-ում ՀՀ դեսպանության մաքսային կցորդ Վահան Հակոբյանը։
«Ռուս-վրացական սահմանային անցակետի վրացական կողմում այս գիշեր նախատեսվում է իրականացնել տեխնիկական վերազինման աշխատանքներ, ինչի արդյունքում վրացական անցակետը այս գիշեր 01:00- ից մինչ առավոտյան 10:00 չի գործի»,– ասել է նա:
Հակոբյանը նշել է` վերազինման աշխատանքներն ավարտվելուն պես անցակետի աշխատանքը կվերականգնվի:
