Մեր գործողությունները հանուն Մայր Աթոռ Սուրբ Էջմիածնի են եւ հանուն ամենայն հայոց կաթողիկոսության: Այս մասին այսօր՝ դեկտեմբերի 14-ին, Մրգաշատ եկեղեցու բակումլրագրողների հետ զրույցում ասաց Բալթյան երկրների հայոց թեմի առաջնորդ Գերաշնորհ Տեր Վազգեն արքեպիսկոպոս Միրզախանյանը:
«Բացեք մեր եկեղեցու էջերը, ձեզ դուր գալի՞ս էր, որ մեր եկեղեցուն միջամտում էին ցարական կայսրությունը, պարսկական շահերը, արաբական խալիֆաթները. չէ, չէ՞: Ի՞նչ է եղել, մենք ենք, մեր պետությունը, մեր կառավարությունը, մենք ենք ընտրել: Վաղը կընտրենք ուրիշ կառավարություն, ուրիշ կառավարություն, էդ կառավարությունը թող գա, եկեղեցու հետ միասին բոլոր խնդիրները լուծեն: Ես անձամբ կողմ եմ, որպեսզի մենք միասնաբար մենք հարցերը լուծենք»,-ասաց նա:
Վազգեն սրբազանն ասաց, որ ինքը տասնյակ անդամներ փորձել է երկխոսություն նախաձեռնել, սակայն, ըստ նրա, եկեղեցում պատրաստ չէին:
