Սպանված երիտասարդի մայրը դանակով հարվածել է մեղադրյալ Էրիկ Դադիվանյանին և փախչել դատարանի դահլիճից։
Վանաձորի դատարանում դատական նիստի ընթացքում միջադեպ է գրանցվել․ սպանված երիտասարդի մայրը դանակով հարձակվել է իր որդու սպանության գործով մեղադրյալի վրա։
Կինը դանակով հարվածել է մեղադրյալ Էրիկ Դադիվանյանին, այնուհետև փորձել է փախչել դահլիճից։ Դեպքի վայր է ժամանել շտապօգնության խումբը։
Ներքին գործերի նախարարությունը տեղեկացվել է միջադեպի մասին և հայտնել, որ դեպքի հանգամանքները պարզվելու են առաջիկայում։
Հիշեցնենք՝ 2024 թվականին Ստեփանավանում 4 հոգով դաժանաբար սպանվել էր 21-ամյա Հայկ Մ.-ն։ Սպանության գործով մեղադրյալի աթոռին նստած էին 4 անձինք, որոնցից մեկը՝ Էրիկ Դադիվանյանը, դանակահարվել է դատարանի նիստի ընթացքում։
ArmLur.am-ի տեղեկություններով՝ միջադեպի հեղինակ կինը եղել է՝ սպանված երիտասարդի մայրը։
