Վաղարշապատի սպասվող ընտրություններում «Հաղթանակ» դաշինքի ցուցակը գլխավորող Սևակ Խաչատրյանը տեսանյութ է հրապարակել «Առաջ» կուսակցության հիմնադիր համագումարից և գրառում արել։
Նա, մասնավորապես, նշել է. «Կադրեր՝ «Առաջ» աջակենտրոն կուսակցության հիմնադիր համագումարից, որտեղ բոլորիս կողքին էր նաև իմ լուսահոգի ընկերը` Հովհաննես Հարությունյանը:
Հանդիսանում եմ կուսակցության Կենտրոնական գործադիր կոմիտեի նախագահը»։
Նշենք, որ «Հաղթանակ» դաշինքում ընդգրկված են ՀՅԴ–ն և «Առաջ» աջակենտրոն կուսակցությունը։ Սևակ Խաչատրյանը «Առաջ» կուսակցության գործադիր կոմիտեի նախագահն է։
Հիշեցնենք, որ Էջմիածնում ՏԻՄ ընտրությունները տեղի կունենան նոյեմբերի 16–ին։
