«Ժողովրդավարական համախմբում» կուսակցւթյուն նախագահ Սուրեն Պետրոսյանը գրում է․
Քաղաքական մտքի իսպառ բացակայությունը ամենավառ կերպով դրսևորվեց, երբ USAID-ի և «Ազատություն ռադիոկայանի» գործունեության հնարավոր կասեցման մասին լուրը լսելով, «պահպանողականները» սկսեցին ցնծալ և սպասել «չար լիբերալների» պարտությանը և Հայաստանի «փրկությանը»։
Սա հերթական անգամ ապացուցում է, որ ոչ միայն չկա նվազագույն պատկերացում աշխարհաքաղաքական գործընթացների տրամաբանության վերաբերյալ, այլ նաև այն, որ Մենք մեր հասարակությանը կախվածության մեջ ենք պահում հանգամանքներից, որոնք մեզնից կախված չեն։
Փոխվում է ընդամենը քաղաքականության իրականացման գործիքակազմը և ոչ թե աշխարհաքաղաքական առաջնահերթությունները։
🔹Հայաստանը ՉԻ ԴԱՌՆՈՒՄ ԱՄՆ-ի համար ավելի կարևոր կամ արժեքավոր գործընկեր քան կար։
🔹Ադրբեջանը ՉԻ ԴԱՌՆՈՒՄ ԱՄՆ-ի համար պակաս կարևոր քան կար։
🔹Հայաստանի ներսում (ինչպես շատերը կարծում են) այն չի թուլացնում հակապետական կամ ապազգային տարրերի դիրքերը, քանի որ խնդիրը ոչ թե ֆինանսավորման աղբյուրի մեջ է, այլ այդ խմբերի առկայության մեջ, որոնք միշտ պատրաստ են շարունակել իրենց գործունեությունը համապատասխան ֆինանսավորման պարագայում (երբ այդ խմբերը կան ֆինանսավորող միշտ կգտնվի):
Առավել տարօրինակ է, երբ նախկին վարչակարգի ներկայացուցիչներն են բուռն հաղթանակ տոնում այդ առիթով, քանի որ հարց է առաջանում, եթե օրինակ «Ազատություն ռադիոկայանը» այդքան ապապետական է եղել միշտ, ինչպես դուք եք ներկայացնում, ապա ինչն է ձեզ խանգարել ձեր պաշտոնավարման ժամանակ կասեցնել վերջինիս գործունեությունը, ինչպես օրինակ արել էր Ադրբեջանը։
Հ.Գ.
Հայաստանում ՓՈԽՀԱՄԱՁԱՅՆԵՑՎԱԾ ԽՄԲԻՇԽԱՆՈՒԹՅՈՒՆ Է, որի առաջնահերթությունը հանրային կարծիքի մանիպուլացիան է իշխանության պահպանման նպատակով:
