Օգոստոսի 8-ին Վաշինգտոնում ստորագրված համաձայնագրերը աննախադեպ հնարավորություններ են ստեղծել։ Այս մասին դեկտեմբերի 2-ին Հայաստան-ԵՄ գործընկերության խորհրդի 6-րդ նիստից հետո տեղի ունեցած ճեպազրույցի ժամանակ հայտարարել է ՀՀ արտաքին գործերի նախարար Արարատ Միրզոյանը։
Նա հայտնել է, որ իր եվրոպացի գործընկերների հետ քննարկել է TRIPP նախագծի իրականացման աշխատանքները։
Նրա խոսքով՝ լրացուցիչ քայլերը, այդ թվում՝ Հայաստանի և Թուրքիայի միջև սահմանի բացումը և խոշոր ենթակառուցվածքային ծրագրերի իրականացումը, կարող են զգալիորեն փոխել ամբողջ տարածաշրջանի քաղաքական և տնտեսական ճարտարապետությունը։
Միրզոյանը հայտարարել է, որ Հայաստան-ԵՄ առաջին գագաթնաժողովը տեղի կունենա 2026 թվականի մայիսին։ Նա սա գնահատել է որպես նշանակալի իրադարձություն։ Հայ նախարարը իր եվրոպացի գործընկերներին հրավիրել է Երևան։
