Թրամփն ընդհատել է եվրոպացի առաջնորդների հետ հանդիպումը՝ Պուտինին զանգահարելու համար

ԱՄՆ-ի նախագահ Դոնալդ Թրամփն ընդհատել է եվրոպական առաջնորդների հետ բանակցությունները՝ իր ռուս գործընկեր Վլադիմիր Պուտինի հետ հեռախոսազրույց ունենալու համար։ Այս մասին X սոցիալական ցանցում հայտնել է Bild-ի լրագրող Պաուլ Ռոնցայմերը՝ հղում անելով աղբյուրներին։

Նրա խոսքով՝ Սպիտակ տան Օվալաձև աշխատասենյակում հանդիպումը կվերսկսվի Ռուսաստանի նախագահի հետ զրույցից հետո։

Օգոստոսի 18-ին Դոնալդ Թրամփը բանակցություններ է վարել Ուկրաինայի առաջնորդ Վլադիմիր Զելենսկու հետ։ Փակ հանդիպումը տևել է ոչ ավելի, քան մեկ ժամ։ Դրանից հետո քաղաքական գործիչները շարունակել են քննարկել ուկրաինական կարգավորման հարցերը Եվրոմիության (ԵՄ) ղեկավարների հետ միասին։