Թրամփն ու Պուտինն օդանավակայանում հանդիպման ժամանակ թարգմանիչ չեն ունեցել, ՌԴ նախագահը լավ է խոսում անգլերեն, այս մասին գրում է The New York Times-ը։
Աղբյուրը, անդրադառանալով այն փաստին, որ Պուտինն ու Թրամփը նույն մեքենայով են հեռացել օդանավակայանից, գրում է, որ երկու գերտերությունների ղեկավարներին նույն մեքենայում տեսնելը չափազանց անսովոր էր։
Հիշեցնենք, որ ԱՄՆ նախագահ Դոնալդ Թրամփը և Ռուսաստանի նախագահ Վլադիմիր Պուտինը Ալյասկայում գագաթնաժողովին ժամանել են երկու երկրների պատվիրակությունների մասնակցությամբ: Նախագահների միջև փակ հանդիպումը արդեն սկսվել է։
Հանդիպումը սկսվել է նեղ կազմով, և պատվիրակությունների անդամները ավելի ուշ կմիանան առաջնորդներին, հաղորդում է РИА Новости-ն:
Թրամփի և Պուտինի միջև նախատեսված անձնական հանդիպումը վերածվել է «երեք-երեք» ձևաչափով հանդիպման:
Ամերիկյան կողմից հանդիպմանը կմասնակցեն պետքարտուղար Մարկո Ռուբիոն և հատուկ բանագնաց Սթիվ Ուիթքոֆը, իսկ ռուսական կողմից՝ արտգործնախարար Լավրովը և Ռուսաստանի Դաշնության նախագահի օգնական Ուշակովը:
