Իրավապաշտպան Ժաննա Ալեքսանյանի ֆեյսբուքյան գրառումը․ «Իմ նախորդ գրառումը՝ ցմահ դատապարտյալների հետ կապված, շատ զուսպ եմ գրել, թեև ինձ հայտնի են շատ մանրամասներ։ Հույս ունենի, որ պատկան մարմինները համապատասխան միջոցներ կձեռնարկեն, բայց տեսա, որ քրեակատարողական ծառայությունը աշխարհի մեղքերը բարդել է ցմահ դատապարտվածների վրա, այդ թվում՝ սուտ տեղեկություններ տարածել։ Սուտ տեղեկությունները պնդել է նաև Արդարադատության նախարար Սրբուհի Գալյանը՝ լրագրողների հարցերին պատասխանելիս։ Ներքնակներ չեն այրվել, որևէ գույք չի այրվել, բողոքի ակցիա չեն արել ցմահ դատապարտվածները։ Որ վնասվածքներ ունեն, փաստել է նաև ՄԻՊ արագ արձագանքման խումբը։ Իսկ այն, որ նախարարը պնդում է, թե իրավաչափ է գործել սպեցնազը, դա ևս մեղմ ասած իրականությանը չի համապատախանում։ 30-40 հոգով մտել են խցերը, առնվազն 4-ից 5 խուց, և ավերել ամեն ինչ, սնունդը թափել հատակին և այլն։ Ես սա կբնութագրեի բանդիտական հարձակում անպաշտպան մարդկանց վրա։ Ինչպե՞ս կարող էին դատապարտյալներն անհնազանդություն ցուցաբերել այդ դեպքում։ Տիկին նախարարը շարունակ խոսում է, որ իրավունք ունեին այս կամ այն անել, բայց այս պաշտոնին նշանակվել է նաև դատապարտյալների իրավունքները պաշտպանելու համար։ Ինչու չեք այցելել տեղում տենելու և լսելու դատապարտյալներին, թե՞ էսպես հեշտ է մեղքը բարդել նրանց վրա։ Տիկի՛ն նախարար, ձեզ հիշեցնում եմ, որ ցմահ դատապարտյալները մարդ են և պետք է մարդկային պայմաններով ապահովեք և մարկային վերաբերմունք ունենաք նրանց նկատմամբ։ Եթե նրանք փակված են, ինչ ուզենաք, պիտի ասեք ու բարդե՞ք նրանց վրա։ Ինչու հնարավորություն չեք տալիս նրանց խոսելու, դեռ մի բան էլ ավելին եք անում, ամեն կերպ փորձում եք լռեցնել նրանց։ Իմ ունեցած տեղեկությունների մասին կխոսեմ առաջիկայում»։
