«Մայր Հայաստան» դաշինքի անդամ Սոնա Աղեկյանը տեսանյութեր է հրապարակել՝ ցուցադրելով, թե առավոտյան մետրոյում ինչ հերթեր են եղել։ «Տիգրան Ավինյան, Սուրեն Գրիգորյան, համեցեք, երթևեկեք մետրոյով, ոչ թե ամենաթանկ մեքենաներով։ Համեցեք, մեր ուսանողներին ապահովեք դասի հասնելու նորմալ պայմաններով։ Սա կոչվում է տրանսպորտային բարեփոխում»,-ֆեյսբուքյան եթերում ասում է Աղեկյանը։
Հիշեցնենք, որ մայրաքաղաքի տրանսպորտային համակարգի բերեփոխումների և միասնական տոմսային համակարգի ներդրման համատեքստում նոյեմբերի 1-ից հասարակական տրանսպորտից, մասնավորապես՝ MAN, ZhongTong և GazelCity մակնիշի փոխադրամիջոցներից օգտվելիս պարտադիր պայման է լինելու 100 դրամանոց մետաղադրամի առկայությունը, կամ ավտոբուսներում և մայրաքաղաքի տարբեր վայրերում տեղադրված վճարային համակարգով QR կոդի միջոցով վճարում իրականացնելը։
Նպատակը հունվարի 1-ից սպասվող միասնական տոմսային համակարգին սահուն անցում կատարելն է։
Մետրոյում արդեն մի քանի շաբաթ է միայն QR կոդոի միջոցով է կատարվում վճարումը։
