Լրագրողները ՔՊ-ական պատգամավոր Սիսակ Գաբրիելյանից հետաքրքրվել են Արդարադատության նախարար Գրիգոր Մինասյանի հնարավոր պաշտոնանկության հարցով որոշ ՔՊ-ականների նախաձեռնած ստորագրավաքի մասին, հարցրել՝ միացե՞լ է արդյոք դրան։ «Ի՞նչ ստորագրահավաք, տեղյակ չեմ, ֆրակցիան նման որոշում չունի»,- արձագանքել է պատգամավորը։ Դիտարկմանը՝ Հովիկ Աղազարյանն է ասել, որ մի խումբ պատգամավորներ ստորագրահավաք են սկսել, Գաբրիելյանը նշել է․ «Չեմ բացառում, որովհետև խմբակցությունում պատգամավորներն ազատ են ու ցանկացած անձի վերաբերյալ կարող են ստորագրահավաք սկսել»։
