Էրեբունու ՁՊՎ-ից ազատ են արձակվել ապօրինի ձերբակալված 6 քաղաքացի: Այս մասին հայտնել են «Սրբազան պայքար» շարժման ֆեյսբուքյան էջում:
Ազատ արձակված քաղաքացիներն են՝ Հայկ Նիկողոսյանը, Աղվան Արշակյանը, Վիգեն Ազատյանը, Արա Մկրտչյանը, Նիկոլայ Քոչարյանը, Մուշեղ Նավասարդանը:
Ավելի վաղ հայտնել էինք, որ ապօրինի զենք պահելու կասկածանքով ձերբակալվել են Հայկ Նիկողոսյանը, Աղվան Արշակյանը, Վիգեն Ազատյանը, Արա Մկրտչյանը, Նիկոլայ Քոչարյանը, Մուշեղ Նավասարդյանը, Հովհաննես Ավետիսյանը, Միքայել Օհանյանը, Արտեմ Խառատյանը:
Փաստաբան Հովհաննես Խուդոյանն էլ հայտնել էր, որ ձերբակալված երիտասարդները որևէ հակաիրավական արարք չեն կատարել ու հետապնդվում են իրենց քաղաքացիական դիրքորոշումը պաշտպանելու համար։
