Ռուսական ԱԹՍ-ները հուլիսի 7-ի վաղ առավոտյան հարվածներ են հասցրել Խարկովի Շևչենկովսկի և Սլոբիդսկի շրջաններին, հայտնել են ուկրաինական լրատվամիջոցները:
Վերջին տվյալներով՝ Խարկովի երկու շրջաններին հասցված հարվածներից վիրավորվել է 27 մարդ:
Ռուսական հարձակման հետևանքով Օդեսայում զոհվել է մեկ մարդ, հայտնել է շրջվարչակազմի ղեկավար Օլեգ Կիպերը: Հարվածի հետևանքով վնասվել կամ ոչնչացվել են քաղաքացիական ենթակառուցվածքներ, մեքենաներ:
Կիևը նույնպես ռուսական ԱԹՍ-ների հարվածի տակ է հայտնվել, հայտնել է քաղաքապետ Վիտալի Կլիչկոն: Նրա խոսքով՝ ԱԹՍ-ների բեկորներից քաղաքի տարբեր մասերում վնասվել են վարչական և գրասենյակային շենքեր, գազատար, ջրամատակարարման համակարգ և մեքենաներ:
