Ռուսաստանի նախագահ Վլադիմիր Պուտինը Հաղթանակի զորահանդեսից հետո Կարմիր հրապարակի տրիբունաներում զրուցել է վետերանների և այլ պատվավոր հյուրերի հետ, հաղորդում է ТАСС-ը։
Նշենք, որ զորահանդեսին ներկա էին նաև հայ վետերաններ, որոնց հետ Ռուսաստանի նախագահը նաև անձամբ զրուցել է։
«Պուտինը շրջել է տրիբունաներով, ձեռք սեղմել և զրուցել Հայրենական մեծ պատերազմի վետերանների, Հատուկ ռազմական գործողության մարտիկների, երիտասարդ բանակայինների և Հաղթանակի 80-ամյակին նվիրված զորահանդեսի այլ պատվավոր հյուրերի հետ»,- գրում է ТАСС-ը։
Զորահանդեսի հյուրերը նախագահին դիմավորել են ծափահարություններով։
Զորահանդեսից հետո Պուտինը և օտարերկրյա առաջնորդները ծաղիկներ են դրել Անհայտ զինվորի շիրիմին։
