«ՀՀ նոր Սահմանադրության տեքստը պատրաստ կլինի այս տարվա մարտին»,- ասուլիսի ժամանակ հայտարարել է Արդարադատության նախարար Սրբուհի Գալյանը։ «Ըստ էության իրազեկման արշավը հիմիկվանից պետք է սկսենք, որովհետև կան բազմաթիվ հարցեր, որոնք քննարկվել, քվեարկվել և ընդունվել են խորհրդի կողմից։ Մենք պարտականություն ունենք հանրության հետ կոմունիկացնել այդ հարցերը, որպեսզի մարդիկ տեղյակ լինեն թե ինչի մասին է խոսքը»,- հավելել է նախարարը։ «Հանրաքվեո՞վ է ընդունվելու»,- հետաքրքրվել են լրագրողները։ «Սահմանադրությունն այլ կերպ, քան հանրաքվեն է, չի կարող ընդունվել, այսինքն՝ վերջնական խոսքը պատկանելու է ժողովրդին և ժողովուրդն ազատ ընտրությունների միջոցով հնարավորություն է ունենալու արտահայտելու իր կամքը»,- ի պատասխան ասաց Գալյանը։
