Կամչատկայում տեղի է ունեցել 8.7 մագնիտուդ ուժգնությամբ երկրաշարժ, հայտնել է Կամչատկայի երկրաբանական ծառայությունը։ Մասնագետները կանխատեսում են, որ հետցնցումները կշարունակվեն առնվազն մեկ ամիս, դրանց մագնիտուդը կարող է հասնել 7.5-ի։ Պետրոպավլովսկ-Կամչատկայում հնարավոր են մինչև 5-6 բալ ուժգնությամբ ցնցումներ և վտանգավոր ցունամիներ։
Սախալինի մարզի Սևերո-Կուրիլսկ նավահանգիստը և ձկնորսական ձեռնարկությունը հեղեղվել են ցունամիի ալիքի պատճառով, հայտնում է Արտակարգ իրավիճակների նախարարությունը։ Փրկարարների տվյալներով՝ Կամչատկայում երկրաշարժի հետևանքով զոհեր չկան։
