«2018-ից, որևէ մեկի մտքով, Նիկոլ Փաշինյանից սկսած, մազաչափ չէր անցնի՝ հարձակվել ՀՀ անկախության հռչակագրի վրա: 2018, 2019, 2020 թվականներին նույն Փաշինյանի ուղերձները դիֆերամբներ են հռչակագրի մասին: Էսօր թշնամական հարձակում է հռչակագրի դեմ, որովհետև դա ունի պատվիրատու, պահանջատեր, որի անունն է Ադրբեջան ու Ադրբեջանի նախագահ»,- շարունակելով նոր Սահմանադրության թեման ու խոսքն ուղղելով ԱԳ նախարար Արարատ Միրզոյանին՝ ասել է «Հայաստան» խմբակցության պատգամավոր Գեղամ Մանուկյանը:
Մինչ այդ ելույթ էր ունեցել Մանուկյանի կուսակից Քրիստինե Վարդանյանը:
