Քննչական մարմինը կպարզի՝ ով է ճիշտ, ով՝ սխալ. այսօր լրագրողների հետ ճեպազրույցում նշեց ՀՀ Կադաստրի կոմիտեի ղեկավար Սուրեն Թովասյանը՝ անդրադառնալով կոմիտեի նախկին աշխատակցի ամուսնուն առևանգելու և ծեծելու միջադեպին։
Թովմասյանը նշեց, որ այդ կնոջն աշխատանքից հեռացրել են, քանի որ ծառայողական քննություն է եղել, և պատրաստ են այդ փաստերը ևս ներկայացնել։
Ըստ նրա՝ այդ նույն կնոջ հայտարությունների մեջ ինքը լսել է բազմաթիվ հակասական բաներ։ «Քննչական մարմինը կպարզի, ես դեռևս չեմ հրավիրվել քննչական մարմին հարցաքննության, երբ կհարցաքննվեմ, հակասական հայտարարություններ կներկայացնեմ»,-ասաց նա՝ նշելով՝ տվյալ կինն է փաստել, որ իր ամուսինն է հայհոյանքներ ուղարկել իրեն։
«Այդ հայհոյանքները լսել եմ միայն ես, բայց իրենք են արձանագրել, ես չեմ ասել։ Իրենք են փաստել՝ այդ կինը, որ իր ամուսինն է հայհոյանքներ ուղարկել ինձ և շատ լավ կլինի, որ հենց իրենք էլ այդ փաստերը ներկայացնեն իրավապահ մարմիններին»,-ասաց նա։
ՀՀ կադաստրի կոմիտեի ղեկավարը նշեց, որ չի պատրաստվում պաշտոնը լքել։ «Ինչի՞ համար պաշտոնս թողնեմ կամ արձակուրդ գնամ, ես 4 զավակ ունեմ։ Ամբողջ օրը լծված եմ իմ պարտականությունների կատարմանը», –ասաց պաշտոնյան։
Նա նաև հերքեց, որ սեփական չափագրման ընկերություն ունի։
