ArmLur.am-ն ահազանգ է ստացել այն մասին, որ օգոստոսի 24-ին Իզմիրլյան բժշկական կենտրոնում վիրաբույժների և բուժքույրերի կողմից ցուցաբերված սխալ կամ անբավարար գիտելիքների և ոչ պրոֆեսիոնալ ու անտարբեր վերաբերմունքի պատճառով մահացել է 33 տարեկան քաղաքացի, որը ընտանիքի միակ որդին էր: Ըստ նրա հարազատների՝ մահվան պատճառը եղել է սեպտիկ շոկը:
Մահացածի քույրը հայտնում է, որ արդեն դիմել են իրավապահ մարմիններին, իսկ այս պահին դատաբժշկական փորձաքննություն է ընթանում:
Մենք նաև փորձեցինք Իզմիրլյան բժշկական կենտրոնից հասկանալ ինչ խնդիր է, սակայն մեզ տեղեկացրին, որ մեր հարցերի պատասխանները կարող ենք ստանալ միայն երկուշաբթի: Իզմիրլյան ԲԿ-ից պարզաբանում ստանալուն պես՝ կհրապարակենք նաև նրանց արձագանքը:
