ԱՄՆ փոխնախագահ Ջեյ Դի Վենսի ու Ադրբեջանի նախագահ Իլհամ Ալիևի հանդիպման ժամանակ քննարկվելու է նաև Բաքվում գտնվող հայ գերիների հարցը։ Ադրբեջան մեկնելուց առաջ «Զվարթնոց» օդանավակայանում լրագրողների հետ զրույցում այս մասին ասաց ԱՄՆ փոխնախագահ Ջեյ Դի Վենսը՝ պատասխանելով լրագրողի հարցին։
«Այո՛, մենք խոսելու ենք նաև հայ ձերբակալվածների հարցին»,- ասաց նա։
Վենսը հավելեց, որ ԱՄՆ-ն լավ հարաբերություններ ունի երկու կողմերի հետ էլ՝ թե՛ Հայաստանի վարչապետի, թե՛ Ադրբեջանի նախագահի։ Նա նշեց, որ երեկ ՀՀ վարչապետ Նիկոլ Փաշինյանը նաև ասել է, որ լավատեսորեն է տրամադրված խաղաղության համաձայնագրի նկատմամբ՝ հիմնվելով այն հանգամանքի վրա, թե որտեղ ենք մենք՝ համեմատած մի քանի ամիս առաջվա հետ։
