«Դիլիջանում վարչապետն ուղիղ եթերում իր լիազորություններից դուրս ցուցում տվեց՝ «այս մարդու աղջկան չնշանակել մանկապարտեզի տնօրեն»․ դա համայնքի լիազորությունների սահմանում է։ Լիազորությունը չարաշահելու համար վարչապետն ի՞նչ պատասխանատվության պետք է ենթարկվի»,- այսօր ճեպազրույցի ժամանակ լրագրողն հարցն ուղղեց Արդարադատության նախարար Սրբուհի Գալյանին։
«Իսկ հիշո՞ւմ եք վարչապետը քանի անգամ ասաց, որ ես վարչապետ եմ և այդ հարցը վարչապետի տիրույթում չէ։ Իսկ երբ քաղաքացին գալիս և ասում է, որ սա արեք և լավ կլինի ձեր վիճակը այս համայնքում՝ այլ բան չէր մնում վարչապետին անել, քան ասել այն, ինչ ասել է»,- պատասխանեց նախարարը։
«Ինչ վերաբերում է լիազորությունների չարաշահմանը․ համայնքն արդեն իր լիազորություններն իրականացրել էր, նշանակել էր թեկնածու։ Լիազորությունների չարաշահումը ենթադրում է որպես արարք հետևանքի առկայությունը, այսինքն՝ հետևանքն ինչպիսին է եղել և դա պետք է էական վնասի տեսք ունենա։ Եթե դուք կգտնեք էական վնաս այդ արարքում, կխնդրեմ հաղորդում ներկայացնել»,- հավելեց Գալյանը։
