«Այս դատապարտելի իրականությունը, որի առջև կանգնած ենք բոլորս, հակաեկեղեցական արշավի դրսևորումներից է: Այս անթույլատրելի գործելաոճը՝ լռեցնելու եկեղեցականներին, նաև խաթարելու եկեղեցու բնականոն գործունեությունը, անթույլատրելի է և դատապարտելի»,-«24Նյուզ»-ի հետ զրույցում ասել է Մայր Աթոռի տեղեկատվական համակարգի տնօրեն Տեր Եսայի քահանա Արթենյանը՝ անդրադառնալով հոգևորականների ձերբակալություններին: Նրա խոսքով՝ ավելի շատ անհանգստացնող է այն հանգամանքը, որ երկրի վարչապետի հայտարարություններից հետո են սկսվում այս բռնաճնշումների մեծ ալիքը:
Իսկ թե «Տեր Արամը ինչո՞ւ կարգալույծ չի արվում» հարցին Տեր Եսային պատասխանեց. «Կարգապահական հանձնախմբում հարցը քննության ընթացքի մեջ է, ըստ այդմ համապատասխան որոշում և պարզաբանումներ կլինեն»:
