«Փոքր բիզնեսը Հայաստանում չպետք է հարկվի»,-այս մասին Մալաթիա-Սեբաստիա համայնքում հայտարարել է «Մեր ձևով» շարժման համակարգող Նարեկ Կարապետյանը։
«Հայաստանում փոքր բիզնեսը հարկատու ընկերությունների կեսից ավելին է, մոտավորապես 60 հազար ընկերություն միայն փոքր բիզնես է, բայց բյուջեի` ընդամենը երկու տոկոս հարկն է տալիս։ Ի՞նչ եք կարծում ճիշտ չէ՞, որ փոքր բիզնեսը Հայաստանում չհարկվի»,-ասել է Նարեկ Կարապետյանը։ Նա խոսել է նաև երիտասար ընտանիքների համար մատչելի բնակարանների ծրագրից, որի մանրամասները շուտով կներկայացնի։
«Մեր ձևով» շարժումը Մալաթիա-Սեբաստիա համայնքում երեք գրասենյակ է բացել։
